*'एक समृद्ध शैक्षणिक परंपरा'*

 मराठी विज्ञान परिषद (सोलापूर विभाग) आणि रोटरी क्लब सोलापूर यांच्या संयुक्त विद्यमाने विख्यात वैज्ञानिकांची , विज्ञान व्याख्यानमाला सरस्वती मंदिर संचालित स. हि. ने. प्रशालेत आयोजन करण्यात आले आहे. व्याख्यानमालेतील पाहिले पुष्प मा. श्री. काशिनाथ देवधर (निवृत्त अतिप्रगत शस्त्रास्त्र संशोधक DRDO ) विषय : अत्याधुनिक भारतीय शस्त्रास्त्रे - संशोधन ते निर्यात                      

मराठी विज्ञान परिषदेचे अध्यक्ष मा श्री व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला श्री सरस्वती मंदिर संस्थेचे अध्यक्ष मा .ॲड.श्री पांडुरंग देशमुख व उपाध्यक्षा सौ रेवती कुलकर्णी, ज्येष्ठ सदस्य ॲड.रघुनाथ दामले, श्री मोहन दाते, श्री राहुल औरंगाबादकर, मुख्याध्यापिका सौ नीता येरमाळकर, पर्यवेक्षक मुकुंद गिरी यांच्या शुभहस्ते प्रमुख अतिथी श्री काशिनाथ देवधर यांचा शाल,बुके, भेटवस्तू , देऊन यथोचित सन्मान करण्यात आला. व्याख्यानाची सुरुवात ऑपरेशन सिंदूर मध्ये स्वदेशी तंत्रज्ञानाचा वापर करून अचूक मारक क्षमता या तंत्रज्ञानात होती याचा वापर करून पाकिस्तानला नेस्तनाभूत कसे केले हे सांगितले.एकाच तासात पाकची हवाईदलाची युद्धक्षमता 20% जायबंदी केली.आपली विक्रांत युद्ध नौका समुद्रात उतरताच कराचीची जहाजे थांबवली गेली.असे प्रतिपादन निवृत अतिप्रगत शस्त्रास्त्र सशोधक काशिनाथ देवधर यांनी केले.

डी आर डी ओ. चे कार्य, त्याची रचना कशी असते हे सांगितले.DRDO हि संस्था 1958 पासून 8 विभागात कार्यरत आहे. मागील काही वर्षात देशाला शस्त्रास्त्र निर्मितीत आत्मनिर्भर करण्याचे काम सुरु आहे.

स्वदेशी तंत्रज्ञानाचा अवलंब करून डी आर डी ओ ने तयार केलेल्या विविध शस्त्रास्त्रे , युद्धात उपयुक्त अशी कमी वजनाची शस्त्रे , रॉकेट , रणगाडे , मिसाईल , पाणबुडी , हेलिकॉप्टर , क्षेपणास्त्र निर्मिती , त्यातील प्रगती या विषयी माहिती दिली . हम न आंख झुकाकर बात करेंगे ना आंख दिखाकर बात करेंगे ,हम आंख से आंख मिलाकर बात करेंगे .अशी भारताची प्रतिमा आज तयार झाली आहे. आत्मनिर्भर भारत ही चळवळ सुरू कशी झाली याची माहिती दिली. काम उत्तम रीतीने करून आपले स्वतःचे योगदान देशासाठी द्यावे. हर काम देश के नाम असे आवाहन त्यांनी केले.

कार्यक्रमास सरस्वती मंदिर संस्थेतील पदाधिकारी, रोटरी क्लब चे पदाधिकारी,बहुसंख्येने विज्ञान प्रेमी शिक्षक, ज्येष्ठ नागरिक, विविध शाळेचे विद्यार्थी, पालक, सरस्वती मंदिर संस्थेतील तीनही विभागाचे शिक्षक, कर्मचारी उपस्थित होते. सदर कार्यक्रमास मराठी विज्ञान परिषदेचे कार्यवाह श्री क्रांतिवीर महिंद्रकर ,आराध्ये मॅडम, वैद्य सर,निनाद शहा व इतर पदाधिकारी,सोलापूर जिल्हा विज्ञान अध्यापक मंडळाचे पदाधिकारी उपस्थित होते. विशेष बाब :श्री काशिनाथ देवधर यांनी प्रशालेतील प्रयोगशाळा पाहून प्रयोगशाळा नीटनेटके, मोठे, सुसज्ज, असल्याचे सांगितले व सर्वांचे कौतुक केले.

 मराठी विज्ञान परिषद (सोलापूर विभाग) आणि रोटरी क्लब सोलापूर यांच्या संयुक्त विद्यमाने विख्यात वैज्ञानिकांची , विज्ञान व्याख्यानमाला सरस्वती मंदिर संचालित स. हि. ने. प्रशालेत आयोजन करण्यात आले आहे. व्याख्यानमालेतील दुसरे पुष्प मा. श्री. कॅप्टन सुनील सुळे ( मर्चंट नेव्ही ऑफिसर, फेलो मास्टर्स मरीनर्स ऑफ इंडिया,संयुक्त राष्ट्र संघ इंटरनॅशनल मरीटाइम ऑर्गनायझेशन भारताचे प्रतिनिधी)

विषय : कोलंबस वाट का चुकला?               

 मराठी विज्ञान परिषदेचे अध्यक्ष मा श्री व्यंकटेश गंभीरयांनी कार्यक्रमाचे प्रास्ताविक केले व अतिथींचा परिचय करून दिला रोटरी क्लब ऑफ सोलापूर अध्यक्ष धनश्री पुराणिक, मितेश पंचमीया,संदीप जव्हेरी,श्री सरस्वती मंदिर संस्थेचे अध्यक्ष मा .ॲड.श्री पांडुरंग देशमुख व उपाध्यक्षा सौ रेवती कुलकर्णी, ज्येष्ठ सदस्य ॲड.रघुनाथ दामले, श्री मोहन दाते, शशिकांत जिद्दीमनी, राहुल औरंगाबादकर, मुख्याध्यापिका नीता येरमाळकर, पर्यवेक्षक मुकुंद गिरी यांच्या शुभहस्ते प्रमुख अतिथी श्री काशिनाथ देवधर यांचा शाल,बुके, भेटवस्तू , देऊन यथोचित सन्मान करण्यात आला.                                    

     व्याख्यानाची सुरुवात पूर्वीच्या काळी रडार, GPS शिवाय ही कसा मार्ग सापडायचा ? यामध्ये त्यांनी ध्रुवताऱ्याचे क्षितिजापासूनचे अंतर कसे मोजतात ,त्या मोजमापाच्या फळी चे चित्र व त्याबद्दल माहिती सांगितली, तसेच जंग नावाचा जहाजाविषयी सांगून समुद्र प्रवासाचा उपयोग हा केवळ मालाची देवाण-घेवाण करण्यासाठी नव्हे तर संस्कृतीची सुद्धा देवाणघेवाण व्हायची, असे सांगितले .

इतर देशांप्रमाणे भारतातही समुद्र पार करणे विषयी अंधश्रद्धा होत्या की एका टोकापलीकडे समुद्र संपायचा व गेलेली माणसे परत येतच नसत म्हणून लोकांच्या अडवणुकीमुळे बहुतेक कोलंबस मार्ग चुकला असावा असे विधान देखील त्यांनी केले .

1451 साली कोलंबसचा जन्म झाला त्यावेळी युरोप आफ्रिकेत धर्मयुद्ध सुरू होते व तुर्की लोकांनी इस्तंबूनच जिंकून घेतले त्यांना तो रस्ता बंद केला गेला त्यामुळे आशिया युरोप मधले लोकर असते चुकू लागले परंतु काहीही करून भारताकडे जाण्याचा मार्ग शोधणे लोकांना गरजेचे वाटू शकले व त्यांना कोलंबसने भारत शोधला सुरुवात केली.

या शोध मोहिमेत त्याची साधन सामग्री म्हणजे काही वासे, फळ्या , दोऱ्या आणि सगळ्यात महत्त्वाचे म्हणजे जिद्द त्याच्याकडे होती , त्याने 4वेळा अटलांटिक महासागर पार केला आणि भारत शोधला असे त्यांनी सांगितले.

*तसेच 30 त्यानंतर तीस वर्षांनी फर्डीनांड माजेलीन ,वास्को-द-गामा यांच्या शोध मोहिमेचा सुद्धा उल्लेख केला.

गॅलेलियो चे गुरूच्या चंद्राच्या हालचालींचा सखोल अभ्यास चंद्राच्या गुरुवार जाण्याच्या वेळांवरून रेखांश काढण्याचे गणित त्याने मांडले.

यावर न्युटनचे मत,यामध्ये त्यांनी क्लाउडीस्ली यांच्यावर शोवेल व जॉन हॅरीसननी 250 वर्षापूर्वीचे सुरू केलेले H4 घड्याळ जे अजूनही चालू आहे, व 100 daysचॅलेंज बद्दल सांगितले.

 यानंतर मा. श्री. कॅप्टन सुनील सुळे यांनी रडार चा पडदा, wheelhouse, समुद्रातील नेवीगेशन, आइस ब्रेकर्स जहाज, यारा बर्कलॅंड या आधुनिक सहा जण विषयी चित्रफिती व ध्वनिफिती दाखवत आपले व्याख्यान थांबवले.

कार्यक्रमास सरस्वती मंदिर संस्थेतील पदाधिकारी, रोटरी क्लब चे पदाधिकारी, बहुसंख्येने विज्ञान प्रेमी शिक्षक, ज्येष्ठ नागरिक, विविध शाळेचे विद्यार्थी, पालक, सरस्वती मंदिर संस्थेतील तीनही विभागाचे शिक्षक, कर्मचारी उपस्थित होते. सदर कार्यक्रमास मराठी विज्ञान परिषदेचे कार्यवाह क्रांतिवीर महिंद्रकर , प्रियंका आराध्ये , श्रीपाद येरमाळकर, श्रीनिवास वैद्य सर,निनाद शहा व इतर पदाधिकारी,सोलापूर जिल्हा विज्ञान अध्यापक मंडळाचे पदाधिकारी उपस्थित होते.

 मराठी विज्ञान परिषद, सोलापूर आणि रोटरी क्लब सोलापूर यांच्या संयुक्त विद्यमाने विख्यात वैज्ञानिकांची विज्ञान व्याख्यानमालाचे श्री सरस्वती मंदिर संस्था संचालित स. हि. ने. प्रशालेत आयोजन करण्यात आले आहे. या व्याख्यानमालेतील तिसरे पुष्प विख्यात नॅनोपदार्थ वैज्ञानिक आणि U. S . विद्यापीठाच्या visiting प्राध्यापिका मा. डॉ. माधवी ठाकूरदेसाई यांनी गुंफले.

विषय : असला प्रकाश नको रे बाबा....!                  

 मराठी विज्ञान परिषदेचे अध्यक्ष मा. व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला.

श्री सरस्वती मंदिर संस्थेचे अध्यक्ष मा. ॲड. श्री पांडुरंग देशमुख, उपाध्यक्षा सौ रेवती कुलकर्णी, ज्येष्ठ सदस्य ॲड.‌ रघुनाथ दामले, श्री सुधीर देव, श्री दत्तात्रय कुलकर्णी, मुख्याध्यापिका सौ नीता येरमाळकर, पर्यवेक्षक मुकुंद गिरी उपस्थित होते. रोटरी क्लब ऑफ सोलापूरच्या अध्यक्षा धनश्री केळकर , उपाध्यक्ष संदीप जव्हेरी, सह सचिव मितेश पंचमीया, सदस्य संतोष कणेकर उपस्थित होते. सरस्वती मंदिर संस्थेच्या उपाध्यक्ष सौ रेवती कुलकर्णी आणि प्रशालेच्या मुख्याध्यापिका येरमाळकर यांच्या शुभहस्ते प्रमुख अतिथी प्राध्यापिका सौ माधवी ठाकूरदेसाई यांचा शाल, बुके, भेटवस्तू , देऊन यथोचित सन्मान करण्यात आला.

   माधवी मॅडमनी सुरुवातीलाच स्वतःला विज्ञान प्रेमी म्हणत स. हि. ने. प्रशालेचे कौतुक केले आणि व्याख्यानास सुरुवात केली. नको असलेल्या प्रकाशांची उदाहरणे देऊन हा प्रकाश का नको आहे हे सांगितले तसेच प्रकाश प्रदूषण कसे होते ते आपल्याला त्रासदायक कसे ठरते हे सांगितले. कृत्रिम प्रकाशाची निर्मिती जेव्हा झाली तेव्हाच प्रकाश प्रदूषणास सुरुवात झाली असे त्या म्हणाल्या.

आपले डोकेदुखी, चिडचिड होत असेल मानसिक स्वास्थ्य कमी झाल्यासारखे वाटत असेल, नैराश्य येते अशा वेळी आपण पहिल्यांदा प्रकाशापासून दूर राहून पाहावे त्याचा नक्कीच चांगला परिणाम जाणवेल आणि असे करूनही त्रास झाला तरच डॉक्टरांकडे जावे असे त्यांनी सांगितले. कृत्रिम प्रकाशामुळे बऱ्याच सजीवांवर दुष्परिणाम झालेला आहे. खूप चांगल्या चांगल्या प्रजाती निसर्गातून नष्ट होत चालल्या आहेत. उदाहरणार्थ काजवा शहरात दिसतच नाही परंतु खेडेगावातूनही तो दिसेनासा होत चालला आहे ते केवळ या कृत्रिम प्रकाशामुळेच. लाखो पक्षी मृत झाले आहेत तेही कृत्रिम प्रकाशामुळेच. कार्यक्रमाच्या वेळी झाडांमध्ये लाइटिंग केल्यास त्यापासून मिळणारे प्रकाश वनस्पतींच्या प्रकाश संश्लेषणात अडथळे निर्माण करतात त्यामुळे त्यांची अन्न निर्मिती कमी होते आणि ती झाडे सुकून जातात. डोळा एक नैसर्गिक दैवी देणगी आहे. याचा अनेक प्रकारे आपल्याला उपयोग होत आहे. अशा डोळ्यांच्या कार्यात कृत्रिम प्रकाशामुळे बाधा निर्माण होत आहे आणि आपल्याला चष्म्याचा वापर करावा लागत आहे. 

 अगदी गरज असेल तेव्हाच वापर करावा.

आपल्या डोळ्यांना पिवळ्या रंगाच्या शेडमधील लाईट चालतो कारण सूर्यप्रकाशाच्या रंगाशी तो मिळताजुळता आहे आणि बाकीचे सर्व रंगाचे लाईट हानिकारक आहेत.

झाडावर कोणताही प्रकाश ठेवू नका.

अंधाराची भीती बाळगू नका, प्रकाशाची तीव्रता कमी करा.

चंद्राच्या कलेप्रमाणे आपल्या वापरातील दिव्यांची तीव्रता देखील बदलावी.

दिवसा प्रकाश टाळा.

निरभ्र आकाश पहा, रात्रीचे तारे पहा.

    नंतर प्रेक्षकांशी संवाद साधून प्रेक्षकांना आलेल्या सर्व शंकांचे मॅडमनी निरसन केले.

     कार्यक्रमास सरस्वती मंदिर संस्थेतील पदाधिकारी, रोटरी क्लब चे पदाधिकारी, विज्ञान प्रेमी शिक्षक - विद्यार्थी तसेच ज्येष्ठ नागरिक, विविध शाळेचे विद्यार्थी, पालक, सरस्वती मंदिर संस्थेतील तीनही विभागाचे शिक्षक, व कर्मचारी बहुसंख्येने उपस्थित होते.

  मराठी विज्ञान परिषद, सोलापूर आणि रोटरी क्लब सोलापूर यांच्या संयुक्त विद्यमाने विख्यात वैज्ञानिकांची विज्ञान व्याख्यानमालाचे श्री सरस्वती मंदिर संस्था संचालित स. हि. ने. प्रशालेत आयोजन करण्यात आले आहे. या व्याख्यानमालेतील चौथे पुष्प निवृत्त महाव्यवस्थापक (ड्रिलिंग) ONGC चे प्रा. विद्याधर थाळणेरकर यांनी गुंफले.

 विषय : भूगर्भातील पेट्रोलियम अन्वेषण ते उत्पादन : तंत्र आणि मंत्र

         मराठी विज्ञान परिषदेचे अध्यक्ष मा. व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला.

      श्री सरस्वती मंदिर संस्थेचे अध्यक्ष मा. ॲड. श्री पांडुरंग देशमुख, उपाध्यक्षा सौ रेवती कुलकर्णी, ज्येष्ठ सदस्य ॲड.‌ रघुनाथ दामले, श्री प्रशांत बडवे प्रशालेच्या मुख्याध्यापिका सौ. नीता येरमाळकर, पर्यवेक्षक मुकुंद गिरी उपस्थित होते. रोटरी क्लब ऑफ सोलापूरच्या अध्यक्षा धनश्री केळकर , उपाध्यक्ष संदीप जव्हेरी, सह सचिव मितेश पंचमीया, रोटे . विजय जाधव, मराठी विज्ञान परिषदेचे डॉ.निनाद शहा, श्रीनिवास वैद्य,क्रांतिवीर महिंद्रकर,प्रियंका आराध्ये उपस्थित होते. सरस्वती मंदिर संस्थेच्या उपाध्यक्ष सौ. रेवती कुलकर्णी आणि प्रशालेच्या मुख्याध्यापिका नीता येरमाळकर यांच्या शुभहस्ते प्रमुख अतिथी प्राध्यापक श्री. विद्याधर थाळणेरकर यांचा शाल, बुके, भेटवस्तू , देऊन यथोचित सन्मान करण्यात आला.

श्री. थाळणेरकर सर अहमदाबाद येथून खास व्याख्यानासाठी प्रशालेत आले होते.   

भूगर्भातील पेट्रोलियमचे अन्वेषण आणि उत्पादनाच्या प्रक्रियेतील खनिज तेलाचे साठे, पुरवठा ..खनिज तेलाचा साठा किती आहे, त्याचा किती आणि कसा वापर करावा हे लक्षात घेणे गरजेचे आहे. याविषयी सविस्तर माहिती दिली.भूवैज्ञानिक सर्वेक्षण, कच्च्या तेलाचे साठे शोधणे, ड्रिलिंग, खनिज तेल उत्पादनाची प्रक्रिया तसेच पेट्रोलियम अन्वेषण ते उत्पादनापर्यंतच्या संपूर्ण प्रक्रियेचा समावेश त्यांनी व्याख्यानात केला.

  साठा आढळल्यास खनिज तेलाचे उत्पादन करण्यासाठी ड्रिलिंग आणि उत्पादन प्रक्रिया, खनिज तेलाचे शुद्धीकरण व उत्पादन कसे केले जाते याविषयी विविध चित्रफितीद्वारे सविस्तर माहिती त्यांनी आपल्या व्याख्यानात दिली

नंतर प्रेक्षकांशी संवाद साधून प्रेक्षकांच्या सर्व शंकांचे सरांनी निरसन केले.

    कार्यक्रमास सरस्वती मंदिर संस्थेतील पदाधिकारी, रोटरी क्लब चे पदाधिकारी, मराठी विज्ञान परिषदेचे सदस्य, विज्ञान प्रेमी शिक्षक - विद्यार्थी तसेच ज्येष्ठ नागरिक, विविध शाळेचे विद्यार्थी, पालक, सरस्वती मंदिर संस्थेतील तीनही विभागाचे शिक्षक, व कर्मचारी बहुसंख्येने उपस्थित होते.

 मराठी विज्ञान परिषद, सोलापूर आणि रोटरी क्लब सोलापूर यांच्या संयुक्त विद्यमाने विख्यात वैज्ञानिकांची विज्ञान व्याख्यानमालाचे श्री सरस्वती मंदिर संस्था संचालित स. हि. ने. प्रशालेत आयोजन करण्यात आले आहे. या व्याख्यानमालेतील पाचवे पुष्प प्रा. प्रमोद गायकवाड संचालक ( PARTH VALVES & HOSES LLP) यांनी गुंफले.

विषय : डेअरी आणि अन्नप्रक्रिया उद्योग व्हॉल्वजच्या नाना तऱ्हा!

      मराठी विज्ञान परिषदेचे अध्यक्ष मा. व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला.

      श्री सरस्वती मंदिर संस्थेचे अध्यक्ष मा. ॲड. श्री पांडुरंग देशमुख, उपाध्यक्षा सौ रेवती कुलकर्णी, ज्येष्ठ सदस्य ॲड.‌ रघुनाथ दामले, श्री प्रशांत बडवे प्रशालेच्या मुख्याध्यापिका सौ. नीता येरमाळकर, पर्यवेक्षक मुकुंद गिरी उपस्थित होते. रोटरी क्लब ऑफ सोलापूरच्या अध्यक्षा धनश्री केळकर , उपाध्यक्ष संदीप जव्हेरी, सह सचिव मितेश पंचमीया, रोटे . विजय जाधव, मराठी विज्ञान परिषदेचे डॉ.निनाद शहा, श्रीनिवास वैद्य,क्रांतिवीर महिंद्रकर,प्रियंका आराध्ये उपस्थित होते. सरस्वती मंदिर संस्थेच्या उपाध्यक्ष सौ. रेवती कुलकर्णी आणि प्रशालेच्या मुख्याध्यापिका नीता येरमाळकर यांच्या शुभहस्ते प्रमुख अतिथी प्राध्यापक श्री. प्रमोद गायकवाड यांचा शाल, बुके, भेटवस्तू , देऊन यथोचित सन्मान करण्यात आला.

    13 वर्षे कंपनीत काम करून स्वतःची कंपनी स्टार्ट केली. पॅकेट फूड चांगले असावे म्हणून शास्त्रशुद्ध पद्धतीने कसे पॅक केले जातात याची माहिती दिली. यासाठी वेगवेगळे व्हॉल्वस वापरले जातात. कुठे कुठे कोण कोणते व्हॉल्वस वापरले जातात याची माहिती सांगितली.

 Butterfly Valves फ्लो कंट्रोल करण्यासाठी ऑन ऑफ करण्यासाठी आणि निर्जंतुकीकरणासाठी याचा वापर केला जातो.

Ball valves -याचा वापर घट्ट सिलिंग साठी व अन्नप्रक्रियेसाठी केला जातो.

check valves -याचा वापर उत्पादनाचा प्रवाह केवळ एका सदिशेने होऊ देतात आणि उलटा प्रवाह थांबवतात दूषितिकरण टाळण्यासाठी याचा वापर केला जातो.

  ग्राहक आजचा ग्राहक कसा असला पाहिजे हे पण त्यांनी आपल्या व्याख्यानात सांगितले.पॅकेटवरील मॅन्युफॅक्चरिंग डेट, एक्सपायरी डेट, पदार्थांमध्ये कोणकोणते कंटेंट वापरले आहेत, किंमत या गोष्टी पहिल्या पाहिजेत

एकूण 17 देशांमध्ये यांच्या कंपनीत तयार झालेले व्हॉल्वज निर्यात केले जातात.

    कार्यक्रमास सरस्वती मंदिर संस्थेतील पदाधिकारी, रोटरी क्लब चे पदाधिकारी, मराठी विज्ञान परिषदेचे सदस्य, विज्ञान प्रेमी शिक्षक - विद्यार्थी तसेच ज्येष्ठ नागरिक, विविध शाळेचे विद्यार्थी, पालक, सरस्वती मंदिर संस्थेतील तीनही विभागाचे शिक्षक, व कर्मचारी बहुसंख्येने उपस्थित होते.

  सोलापूर ची सुकन्या प्रा. डॉ अंबा कुलकर्णी यांचे सरस्वती मंदीर मधे "संस्कृत उपयोगी संगणक की संगणक उपयोगी संस्कृत " या विषयावर व्याख्यान मराठी विज्ञान परिषद, सोलापूर विभाग , रोटरी क्लब सोलापूर , श्री सरस्वती मंदिर यांच्या संयुक्त विद्यमाने विख्यात वैज्ञानिकांची विज्ञान व्याख्यानमालाचे सहावे पुष्प प्रा डॉ अंबा कुलकर्णी यांनी गुंफले.

विषय : संस्कृत उपयोगी संगणक की संगणक उपयोगी संस्कृत संस्कृत भाषेतील अमर्याद ज्ञानाचे दरवाजे खुले करणाऱ्या अनेक विदेशी संस्था, आणि विद्यापीठांशी संबधित आणि पंतप्रधान मा. नरेंद्र मोदींनी नोंद घेतलेल्या विख्यात संगणकीय भाषाशास्त्र संशोधक मा. डॉ अंबा कुलकर्णी या प्रशालेच्या माजी विद्यार्थ्यीनी आहेत याचा प्रशालेला अभिमान आहे. वेदांसह प्राचीन ग्रंथांचे संगणकीय भाषेमध्ये जतन या विषयावर सखोल मार्गदर्शन केले. 

       मराठी विज्ञान परिषदेचे अध्यक्ष मा. व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला.

    श्री सरस्वती मंदिर संस्थेचे अध्यक्ष मा. ॲड. श्री पांडुरंग देशमुख, सचिव मा रोहीणी तळवळकर,उपाध्यक्षा सौ रेवती कुलकर्णी, खजिनदार सुधीर देव,ज्येष्ठ सदस्य ॲड.‌ रघुनाथ दामले,श्री शिरीष कुलकर्णी,श्री प्रशांत बडवे प्रशालेच्या मुख्याध्यापिका सौ. नीता येरमाळकर, पर्यवेक्षक मुकुंद गिरी उपस्थित होते. रोटरी क्लब ऑफ सोलापूरच्या अध्यक्षा धनश्री केळकर , उपाध्यक्ष संदीप जव्हेरी, सह सचिव मितेश पंचमीया, रोटे . श्रुती मोहोळकर तसेच मराठी विज्ञान परिषदेचे अध्यक्ष व्यंकटेश गंभीर,डॉ.निनाद शहा,क्रांतिवीर महिंद्रकर,प्रियंका आराध्ये,धनंजय शहा, योगिन गुर्जर,मोरेश्वर काटवे उपस्थित होते.                             

       श्री सरस्वती मंदिर संस्थेचे सन्माननीय पदाधिकारी यांच्या शुभहस्ते सरस्वतीची सुरेख मूर्ती व बुके देऊन सन्मानित करण्यात आले. प्रशालेच्या मुख्याध्यापिका नीता येरमाळकर ,दिलीप राठोड,संगीता रेळेकर,अमरजा वासकर,वीरेश अंगडी,यांच्या शुभहस्ते प्रमुख अतिथी प्रा डॉ अंबा कुलकर्णी यांचा बुके, भेटवस्तू , देऊन प्रशालेच्या वतीने यथोचित सन्मान करण्यात आला. रोटरी क्लब सोलापूर यांच्या वतीने बुके व भेटवस्तू देऊन सन्मानित करण्यात आले. मराठी विज्ञान परिषदेच्या वतीने सन्मानचिन्ह व सन्मानपत्र देऊन सन्मानित करण्यात आले.             

        "या कुंदेन्दु तुषार हार धवला" या सरस्वती श्लोकाने या शाळेत शिक्षण सुरू झाले असे म्हणत. Rick Briggs article in AAAI magazine मधील "Knowledge representation in Sanskrit and artificial intelligence या लेखात छंदशास्त्र, वेदशास्त्र कसे निर्माण झाले? वेदपठनामागील शास्त्र, प्रकृती पाठ व विकृती पाठ यातील फरक काय असते?घनपाठ कसे असते? गायत्री मंत्राचा घनपाठ म्हणून दाखवले. Computer Science मधे डेटा ट्राऺसफर करताना Error correction, Error detection code तंत्र संस्कृत भाषा वापरून कसे करता येते हे स्पष्ट केले.पाणिनी ला इन्फॉर्मेशन सायंटिस्ट म्हणत संस्कृत संगणकीय भाषेत कसे उपयोगी आहे हे विषद केले.  

संस्कृत भाषेतील प्रगल्भ भाषाविज्ञान , पाणिनीय संस्कृत आणि संगणकीय तंत्रज्ञान यांना एकत्र गुंफून प्राचीन संस्कृत ग्रंथ,भूजपत्रे,इत्यादीमधील अमर्याद ज्ञानाचे दरवाजे उघडे आहेत असे विषद केले.                                

 या व्याख्यानाला ॲड विजय मराठे, प्रा विशाखा मराठे, प्रा. डॉ. सुनिती बावचकर,प्रा.डाॅ.निलीमा दामले ,इ मान्यवर उपस्थित होते.

 स.हि. ने. प्रशालेत आयसर तज्ञ श्री अशोक रूपनेर यांचे कृतीयुक्त व्याख्यान. श्री सरस्वती मंदिर संस्था संचालित सखुबाई हिराचंद नेमचंद प्रशाला* व मराठी विज्ञान परिषद सोलापूर विभाग यांच्या संयुक्त विद्यमाने दिनांक 8 नोव्हेंबर 2025 रोजी सायंकाळी 4:00 वाजता पुणे आयसर येथील तज्ञ श्री अशोक रुपनेर यांचे व्याख्यान सरस्वती मंदिर च्या प्रांगणात आयोजित करण्यात आले होते . अध्यक्ष मा श्री व्यंकटेश गंभीर यांनी कार्यक्रमाचे प्रास्ताविक केले व अतिथींचा परिचय करून दिला श्री सरस्वती मंदिर संस्थेचे अध्यक्ष मा .ॲड.श्री पांडुरंग देशमुख व उपाध्यक्षा सौ रेवती कुलकर्णी, ज्येष्ठ सदस्य ॲड.रघुनाथ दामले, मुख्याध्यापिका सौ नीता येरमाळकर यांच्या शुभहस्ते प्रमुख अतिथी श्री अशोक रूपनेर व त्यांच्या सुविद्य पत्नी यांचा शाल व बुके, भेटवस्तू , देऊन यथोचित सन्मान करण्यात आला नवीन राष्ट्रीय शैक्षणिक धोरण 2020 यानुसार विज्ञान व गणिताचे शिक्षण हे केवळ सैद्धांतिक न राहता, प्रयोग, निरीक्षण, मॉडेल तयार करणे, समस्यांचे निराकरण आणि प्रत्यक्ष कृतीद्वारे अनुभवात्मक स्वरूपात दिले पाहिजे, कारण कृतीयुक्त अध्यापन विद्यार्थ्यांमध्ये विचारशक्ती, सर्जनशीलता, संकल्पनांची सखोल समज आणि वास्तव जीवनाशी संबंध प्रस्थापित करण्याची क्षमता विकसित करते.”कृतीयुक्त अध्यापनामुळे विद्यार्थ्यांचा सहभाग वाढतो आणि ते निष्क्रिय श्रोते न राहता सक्रिय शिकणारे बनतात. पृथ्वी चंद्र व सूर्य यांचे छोटे मॉडेल दाखवून त्यांचे योग्य प्रमाणातील अंतर विद्यार्थ्यांचा सहभाग घेऊन कसे दाखवता येते हे सांगितले.85% ज्ञान हे डोळ्यातून रिसिव्ह करतो म्हणून स्ट्रॉ व टेप यांचा वापर करून डीएनए चे डबल हेलिक्स स्ट्रक्चर दाखवले.

साध्या प्लास्टिक बॅगचा वापर करून लंक कॅपॅसिटी कशी मोजता येते हे प्रयोगाने दाखवले . पेपरची घडी करून दोन चा घातांकित संख्या गंमतशीर कशी शिकवता येईल याची चर्चा केली

अशा प्रकारचे अध्यापन आविष्कारशील विचार (innovative thinking) आणि तार्किक विश्लेषण (logical reasoning) विकसित करते.हे शिक्षण अनुभवाधारित आणि कौशल्याधारित बनवते, जे NEP 2020 च्या मूलभूत तत्वांशी सुसंगत आहे.यामुळे विद्यार्थी अभ्यासक्रमाशी जोडलेले वास्तव जीवनातील अनुप्रयोग समजतात आणि समस्यांचे स्वयंपूर्ण निराकरण करण्यास सक्षम होतात. सदर कार्यक्रमास मराठी विज्ञान परिषदेचे कार्यवाह श्री क्रांतिवीर महिंद्रकर व श्री शेटे सर ,आराध्ये मॅडम, सोलापूर जिल्हा विज्ञान अध्यापक मंडळाचे पदाधिकारी श्री मोहिते, श्री जवंजाळ, श्री लिंगे, श्री कारंजे तसेच गणित व विज्ञान अध्यापन करणारे जवळपास 53 शिक्षक उपस्थित होते. स.हि.ने. प्रशालेतील गणित व विज्ञान अध्यापन करणारे शिक्षक सौ नीता येरमाळकर श्री दिलीप राठोड सौ संगीता रेळेकर सौ माधुरी शेंडगे सौ वंदना देवकते उपस्थित होते. विशेष बाब - श्री अशोक रुपनेर यांनी प्रशालेतील प्रयोगशाळा पाहून प्रयोगशाळा नीटनेटके, मोठे, सुसज्ज, असल्याचे सांगितले व सर्वांचे कौतुक केले.