विविध कार्यक्रम फोटो

                श्री सरस्वती मंदिर संस्था संचलित जडावबाई रामसुख चंडक बालक मंदिर मध्ये सोमवार दिनांक 16 जून 2025 रोजी या शैक्षणिक वर्षातील पहिल्या दिवशी बालकांचा प्रवेशोत्सव मोठ्या उत्साहात थाटामाटात साजरा करण्यात आला.

            शाळेचा पहिला दिवस या दिवशी रंगीत रांगोळ्या रंगीबेरंगी फुग्यांची कमान, फुलांच्या पायघड्या, सुंदर फलकलेखन फुलामाळांची सजावट व मुलांना फोटो काढण्यासाठी *सेल्फी पॉइंट* तयार करण्यात आला. याने शाळेचा परिसर सुशोभित करण्यात आला. मुलांना गुलाबाचे फुले व फुगे देऊन स्वागत करण्यात आले.

           या प्रसंगी संस्थेचे अध्यक्ष मा. ॲड. पांडुरंग देशमुख, कार्यवाह सौ. रोहिणी तडवळकर, सहकार्यवाह मा. दत्ता कुलकर्णी, खजिनदार मा. सुधीर देव, सदस्य सौ मंजिरी अंत्रोळीकर सदस्या किशोर चंडक शाळेच्या मुख्याध्यापिका सौ. सोनाली सोनाळे, लक्ष्मीबाई किर्लोस्कर प्राथमिक शाळेच्या मुख्याध्यापिका सौ. जयश्री राठोड मॅडम, शिक्षक,शिक्षकेतर कर्मचारी उपस्थित होते. नवगतांच्या स्वागतानंतर सरस्वती पूजन व दीप प्रज्वलन करण्यात आले. तसेच सर्व मुलांचे कार्यवाह सौ. रोहिणी तडवळकर सदस्या सौ. मंजिरी अंत्रोळीकर व मुख्याध्यापिका सौ. सोनाली सोनाळे मॅडम यांनी औक्षण केले. तसेच संस्थेच्या मान्यवरांनाही पुष्पगुच्छ देऊन सत्कार करण्यात आले. व बालकांना खाऊ देऊन कार्यक्रमाचा समारोप करण्यात आला.

                  श्री सरस्वती मंदिर संस्था संचलित *जडावबाई रामसुख चंडक बालक मंदिर* मध्ये शनिवार ,दिनांक 21जून 2025 रोजी या शैक्षणिक वर्षातील जागतिक योगदिन मोठ्या उत्साहात साजरा करण्यात आला.

यावेळी मार्गदर्शक म्हणून क्रांतिवीर महिंद्रकर उपस्थित होते. महिंद्रकर यांनी विद्यार्थ्यांना योगासनाचे काही प्रात्यक्षिक करून दाखविले व विद्यार्थ्यांकडून करून घेतले. तसेच विद्यार्थ्यांना थोडक्यात योगासनाचे महत्त्व सांगितले.

          जडावबाई रामसुख चंडक बालक  मंदिर शाळेमध्ये आषाढी दिंडी उत्साहात संपन्न. 

     आज शुक्रवार दि. 4 जुलै 2025 रोजी, सरस्वती मंदिर संचलित, जडावबाई रामसुख चंडक बालक मंदिर शाळेमध्ये, आषाढी दिंडी मोठ्या उत्साहात संपन्न झाली.

    *आषाढी दिंडीच्या या कार्यक्रमास, सरस्वती मंदिर संस्थेचे अध्यक्ष ॲड.श्री. पांडुरंग देशमुख, सहकार्यवाह श्री.दत्तात्रय कुलकर्णी, सदस्य श्री. प्रशांत बडवे, सदस्य सौ. रेवती कुलकर्णी, जडावबाई रामसुख चंडक बालक मंदिरच्या मुख्या. सौ.सोनाली सोनाळे व लक्ष्मीबाई किर्लोस्कर प्राथमिक शाळेच्या मुख्या. सौ.जयश्री राठोड शिक्षक वर्ग आणि बहुसंख्येने विद्यार्थी उपस्थित होते. 

    प्रारंभी मान्यवरांच्या हस्ते श्री विठ्ठल- रुक्मिणी यांच्या प्रतिमेचे व सजवलेल्या, सुंदर पालखीचे पूजन करण्यात आले. *विद्यार्थ्यांनी चंद्रभागेच्या तिरी,हरिनामाची टोपली, झगा अशी पारंपारिक आषाढी दिंडीची गाणी उत्साहाने सादर केली. विठ्ठल नामाचा जयघोष करण्यात आला. सारे वातावरण भक्तीमय झाले होते.

     विद्यार्थ्यांची आषाढी दिंडी शुभांगी बुवा यांच्या शुभराय मठामध्ये नेण्यात आली. तेथेही *विद्यार्थ्यांनी आषाढी दिंडीची गाणी, गाण्याच्या तालावर फुगडी खेळण्यात आले. त्यांना शुभांगी बुवा यांचे मार्गदर्शन लाभले. विद्यार्थ्यांना चिमणी व हत्तीची गोष्ट सांगितली.

    विठ्ठलाची गाणी, ओव्या,अभंग,भगवे झेंडे याने सर्व फळे सुशोभित केले होते.तसेच, श्री *विठ्ठल- रुक्मिणीच्या प्रतिमेभोवती सुंदर आरास केली होती. वारकऱ्यांचे सुशोभन करण्यात आले होते. अवघी पंढरी सरस्वती मंदिरात अवतरली होती.* सर्व विद्यार्थी वारकरी पोशाखात शाळेत आले होते .शालेय परिसर सजवण्यात आला होता. सर्व विद्यार्थी आणि शिक्षिका यांनी आनंदाने आषाढी दिंडीमध्ये सहभाग घेतला. 

            श्री सरस्वती मंदिर संस्था संचलित जडावबाई रामसुख चंडक बालक मंदिर मध्ये गुरुवार दिनांक 10 जुलै  2025 रोजी *"गुरुपौर्णिमा"* हा सण पालकांच्या व विद्यार्थ्यांच्या उपस्थितीत मोठ्या उत्साहात साजरा कार्यक्रम करण्यात आला.

 *या कार्यक्रमास सरस्वती मंदिर संस्थेचे अध्यक्ष अ‍ॅड. श्री.पांडुरंग देशमुख, खजिनदार श्री. सुधीर देव ,सदस्या सौ. मंजिरी अंत्रोळीकर तसेच जडावबाई रामसुख चंडक बालक मंदिरच्या मुख्याध्यापिका सौ.सोनाली सोनाळे मॅडम तसेच शिक्षक शिक्षकेतर कर्मचारी व पालक उपस्थित होते.*

  प्रारंभी मान्यवरांच्या हस्ते महषी॔ व्यासाच्या व सरस्वती प्रतिमेचे पूजन करण्यात आले.

         *गुरु म्हणजे आहे काशी*

         *साती तीर्थ तया पाशी*

         *तुका म्हणा ऐसे गुरु* 

         *चरण त्याचे हृदयी धरू*

           लहान बालकांची कोवळी शरीरे, संस्कारक्ष मने यांना घडवण्याकरिता आपली गुरु कोण याची ओळख करून देण्यात आले. गुरुपौर्णिमेनिमित्त गुरु- शिष्यांच्या गोष्टी सांगण्यात आली. तसेच मातृ-पितृ पूजनाचा कार्यक्रम केला. यातून आई-वडिलांच्या प्रति आदर बाळगण्याचा संदेश प्रत्येक विद्यार्थ्यांपर्यंत पोहोचवण्यात आला. तसेच मुलांनी आपल्या आई-वडिलांचे पाद्यपूजन करून त्यांचा आशीर्वाद घेतला. आणि गुरुजनांचाही आशीर्वाद घेतला. अशा रीतीने कार्यक्रम संपन्न झाला.

            श्री सरस्वती मंदिर संस्था संचलित जडावबाई रामसुख चंडक बालक मंदिर मध्ये "दीप अमावस्या" मोठ्या उत्साहात साजरी करण्यात आली. वार: गुरुवार, दिनांक: 24 जूलै 2025 रोजी जडावबाई रामसुख चंडक बालक मंदिर मध्ये "दीप अमावस्या" मोठ्या उत्साहात साजरी करण्यात आली.

                      याप्रसंगी जडावबाई रामसुख चंडक बालक मंदिरच्या मुख्याध्यापिका सौ. सोनाली सोनाळे व लक्ष्मीबाई किर्लोस्कर प्राथमिक शाळेच्या मुख्याध्यापिका सौ.जयश्री राठोड यांच्या हस्ते सरस्वती व दिव्यांची पूजा करण्यात आली.याप्रसंगी आपल्या शाळेच्या सहशिक्षिका सौ. गोरे मॅडम यांनी मुलांना वेगवेगळे दिवे    उदाहरणार्थ. (चिमणी, कंदील, समई, निरंजन, पणती) दाखवून दिव्यांचे परिचय करून त्याबद्दलची माहिती मुलांना सांगण्यात आली.

                         तसेच  दिव्यांचे इंधनानुसार वर्गीकरण करून सांगण्यात आले. त्यामध्ये उदाहरणार्थ. पणतीला गोडेतेल, निरंजनाला तूप, चिमणीला रॉकेल घालावे लागते अशी माहिती मुलांना देण्यात आली. मुलांकडून शुभंकरोती म्हणून घेण्यात आली

           श्री सरस्वती मंदिर संस्था संचलित जडावबाई रामसुख चंडक बालक मंदिर सोलापूर मध्ये "नागपंचमी" सण मोठ्या उत्साहात साजरा करण्यात आली.
                 वार: सोमवार, दिनांक: 28 जुलै 2025 रोजी "नागपंचमी" हा सण मोठ्या उत्साहात साजरा करण्यात आला.   या सोहळ्यास जडावबाई रामसुख चंडक बालक मंदिरच्या मुख्याध्यापिका सौ.सोनाली सोनाळे  तसेच लक्ष्मीबाई किर्लोस्कर प्राथमिक शाळेच्या मुख्याध्यापिका सौ.जयश्री राठोड उपस्थित होते. यांच्या हस्ते नागदेवतांची पूजा करण्यात आली. तसेच शिक्षक शिक्षकेतर कर्मचारी व विद्यार्थी उपस्थित होते.तसेच आपल्या शाळेच्या सहशिक्षिका सौ. श्रीदेवी तुळजापूरकर मॅडम यांनी शेतकरी व नागदेवतांची गोष्टी रूपातून माहिती सांगितली. 
                    आपल्या शाळेच्या छोट्या बालकांनी  क्ले मातीपासून, बॉम्बे माती पासून छान छान नागोबा तयार करून आणले होते. सर्व बालक छान नटून थटून आले होते. सर्व विद्यार्थी व विद्यार्थिनीनी वेगवेगळ्या खेळांमध्ये उत्साहाने भाग घेतला. दोघांची फुगडी, तिघांची फुगडी, चौघांची फुगडी, नाच ग घुमा, या लाया कोणाच्या, किस बाई किस असे वेगवेगळे याप्रसंगी पारंपारिक खेळ खेळण्यात आले.
अशाप्रकारे अतिशय उत्साहात कार्यक्रम संपन्न झाला.

श्री  सरस्वती मंदिर संस्था संचलित जडावबाई रामसुख चंडक बालक मंदिर सोलापूर मध्ये "राखीपोर्णिमा" निमित्त "रक्षाबंधन" व श्रावणी शुक्रवार पूजा  मोठ्या उत्साहात साजरी करण्यात  आली.*

शुक्रवार दिनांक  8 ऑगस्ट 2025 रोजी *"रक्षाबंधन"* हा सण मोठ्या उत्साहात साजरा करण्यात आला. तसेच श्रावणी शुक्रवार पूजा ही मोठ्या उत्साहात साजरी करण्यात आली. या दिवशी सर्व विद्यार्थी नवीन पोशाखात उपस्थित होते . तसेच मुलींनी राखी आणली व  मुले भेटवस्तू घेऊन आले होते. मुलांनी मुलींना राख्या बांधल्या व  त्यांचे औक्षण करण्यात आले. मुलांनी मुलींना भेटवस्तू दिल्या .

प्ले ग्रुप, नर्सरी, छोटा गट व मोठा गट या सर्व विद्यार्थ्यांना हॉलमध्ये बसवण्यात आले. सौ नेहा गोरे मॅडम यांनी राखी पौर्णिमा  या सणाची माहिती सांगितली. 

तसेच आपल्या शाळेमध्ये सिद्धेश्वर शाळेचे विद्यार्थी राखी बांधण्यासाठी आले होते. आपल्या शाळेतील विद्यार्थी विद्यार्थिनींनी ही त्यांच्या विद्यार्थ्यांना राखी बांधली. अशाप्रकारे मोठ्या उत्साहात राखी पौर्णिमा हा सण संपन्न झाला.