प्रशाळेतील संपन्न झालेले विविध कार्यक्रम

80 वा स्वातंत्र्यदिन श्री सरस्वती मंदिर संस्था संचलित स.हि.ने. प्रशालेच्या प्रांगणात उत्साहात साजरा...

            शनिवार दि. 15 ऑगस्ट 2026 या स्वातंत्र्य दिन सोहळ्याची सुरुवात प्रमुख अतिथी मा. डॉ. श्री. दिलीप आपटे (M. B. B. S., M.D. ) यांच्या हस्ते प्रशालेच्या प्रांगणात ध्वजारोहणाने झाली. यावेळी श्री सरस्वती मंदिर संस्थेचे अध्यक्ष मा.श्री पांडुरंग देशमुख, सदस्य - श्री रघुनाथ दामले, श्री दत्तात्रय कुलकर्णी, श्री प्रशांत बडवे, श्री राहुल औरंगाबादकर, श्री शशिकांत जिड्डीमनी, प्रशालेच्या मुख्याध्यापिका  नीता येरमाळकर,  प्राथमिकच्या मुख्याध्यापिका प्रतिभा गायकवाड, बालक मंदिरच्या मुख्याध्यापिका सोनाली सोनाळे, पर्यवेक्षक  मुकुंद गिरी, सर्व शिक्षक, शिक्षकेतर कर्मचारी, आजी-माजी विद्यार्थी आणि पालक वर्ग उपस्थित होते.

           ध्वजारोहणानंतर प्रथम संपूर्ण वंदे मातरम आणि राष्ट्रगीत, ध्वजगीत तसेच राज्यगीत यांच्या सामुदायिक गायनाने उपस्थितांमध्ये देश प्रेमाची भावना जागृत झाली. यावेळी  रोहिणी कुलकर्णी यांच्या मार्गदर्शनाखाली संविधान वाचनही घेण्यात आले.

          प्रमुख अतिथींचा परिचय प्रशालेचे पर्यवेक्षक  मुकुंद गिरी यांनी करून दिला तर  संस्थेचे अध्यक्ष मा.ॲड.  पांडुरंग देशमुख यांचा हस्ते सरस्वती प्रतिमा आणि शाल देऊन प्रमुख अतिथींचा सत्कार करण्यात आला.

          उत्साहपूर्ण वातावरणात देशभक्ती जागृत करणाऱ्या गीतांचे सादरीकरण प्रशालेच्या विद्यार्थ्यांनी संगीत विभाग प्रमुख  संतोष कोथळीकर यांच्या मार्गदर्शनाखाली  केले. यामध्ये प्रशालेच्या विद्यार्थिनींनी जिल्हास्तरीय समूहगीत स्पर्धेत प्रथम क्रमांकाचे पारितोषिक मिळविलेले  'रविकिरणांच्या हिंदोळ्यावर' हे गीत सादर केले तर प्राथमिक विभागातील विद्यार्थ्यांनी  "प्यारी भारत मां तेरे हम गीत गाते है"  हे गीत सादर केले.

        क्रीडा प्रमुख  वीरेश अंगडी यांच्या मार्गदर्शनाखाली विद्यार्थ्यांच्या सामुदायिक कवायतीने कार्यक्रमाची शोभा वाढविली.

        तरुण पिढीला अंमली पदार्थांच्या वाईट व्यसनांपासून दूर ठेवणे, त्यांच्यामध्ये आरोग्याविषयी जागरूकता निर्माण करणे आणि त्यांना देशाच्या विकासात योगदान देण्यासाठी सक्षम व जबाबदार नागरिक बनवणे या हेतूने  रोहिणी कुलकर्णी यांनी उपस्थित सर्वांकडून "नशामुक्ती शपथ" म्हणून घेतली.

               आजच्या कार्यक्रमात तीनही विभागातील विद्यार्थ्यांनी विविध रंगात, विविध ढंगात आणि विविध भाषेत आपल्या मनात दडलेल्या देशाविषयीचे प्रेमभाव आपल्या भाषणातून व्यक्त केले. यामध्ये मिहीर वारे,निष्ठा जगताप, वैष्णवी नरखेड, मृणाल महामुरे, सिमरन काळे यांनी सहभाग घेतला होता. विद्यार्थ्यांच्या या उत्स्फूर्त सहभागाला उपस्थितांनी टाळ्यांच्या गजरात भरभरून दाद दिली.

           याप्रसंगी आजचे प्रमुख पाहुणे डॉ.श्री दिलीप आपटे यांनी आपल्या मनोगतात विद्यार्थ्यांनी विविध स्पर्धांमध्ये सहभागी होऊन बक्षिसे मिळवावीत आणि शाळेची कीर्ती वाढवावी अशी आशा व्यक्त केली. संस्थेचे अध्यक्ष ॲड. श्री पांडुरंग देशमुख यांनी आजच्या कार्यक्रमात मनोगत व्यक्त केलेल्या, सादरीकरण केलेल्या तसेच विविध कलेत  बक्षीस मिळविलेल्या विद्यार्थ्यांचे कौतुक करत ही संस्था आपल्या सर्वांच्या  पाठीशी अविरत राहील असे वचन देत उपस्थित सर्वांना स्वातंत्र्य दिनाच्या शुभेच्छा दिल्या.

           कार्यक्रमाच्या शेवटच्या टप्प्यात कार्यक्रमाचे प्रमुख पाहुणे, संस्थेचे मान्यवर व सर्व उपस्थितांचे आभार गणित प्रमुख  दिलीप राठोड यांनी मानले.

        आपल्या नेहमीच्याच माहितीपूर्ण आणि ओघवत्या शैलीत, जोशपूर्ण, प्रभावीपणे तिरंग्याचे महत्व पटवून देत संपूर्ण सोहळा अतिशय शिस्तबद्ध आणि सुंदर पद्धतीने पुढे नेण्याचे नेटके कार्य म्हणजेच सूत्रसंचालन... प्रशालेचे पर्यवेक्षक श्री मुकुंद गिरी यांनी केले. शेवटी तीन कौमीनारे देऊन देशभक्तीच्या उत्साहात आणि आनंदी वातावरणात स्वातंत्र्य दिन सोहळ्याची सांगता झाली.

            सर्व विद्यार्थ्यांना संस्थेचे अध्यक्ष ॲड श्री पांडुरंग देशमुख, राठोड सर, घुले सर, प्रधान सर, बाळगे काका यांच्या हस्ते मिठाई देण्यात आली.

सरस्वती मंदिर संस्थेच्या शैक्षणिक संकुलात विद्यार्थी व डॉक्टरांच्या उपस्थितीत आंतरराष्ट्रीय योगदिन साजरा 

सोलापूर : विद्यार्थी व डॉक्टरांच्या उपस्थितीत  सरस्वती मंदिर संस्थेच्या शैक्षणिक संकुलात आंतरराष्ट्रीय योगदिन साजरा झाला . 

योग शिक्षक क्रांतीवीर महिंद्रकर व डॉ. रेणुका शिरगोंड यांनी योगाचे* *प्रात्यक्षिक करून दाखविले* *आणि मार्गदर्शन केले* 

प्रमुख पाहुणे म्हणून . *निमा संघटनेचे माजी अध्यक्ष डॉ. विनायक टेंभुर्णीकर , निमा संघटनेचे  अध्यक्ष डॉ. नागनाथ जिड्डीमनी, महिला मंचचे अध्यक्ष डॉ.  श्रुती मराठे उपस्थित होते. प्रमुख उपस्थिती यावेळी सरस्वती मंदिर संस्थेचे अध्यक्ष ॲड पांडुरंग देशमुख, माजी अध्यक्ष ॲड रघुनाथ दामले, सदस्य प्रशांत बडवे, निमा  महिला मंचचे सचिव  डॉ. पल्लवी भांगे, कोषाध्यक्ष डॉ. अश्विनी देगावकर, डॉ प्रवीण ननवरे,  डॉ राजश्री मठ, डॉ. रविराज गायकवाड, सहिने प्रशालेच्या मुख्याध्यापिका नीता येरमाळकर, पर्यवेक्षक मुकुंद गिरी  यांची प्रमुख उपस्थिती होती.

निमा संघटनेचे माजी अध्यक्ष डॉ. विनायक टेंभुर्णीकर म्हणाले, " भारताने जगाला  अनेक क्षेत्रांमध्ये  योगदान दिले आहे योग ही भारताने जगाला दिलेली एक देणगी आहे. १९३ देशांमध्ये आज योग केला  जातो. 

मानवाला एकत्र जोडण्याचे काम योग करत आहे. 

 शारीरिक व मानसिक शांतीसाठी योगा रोज केला पाहिजे.कोरोना काळात भारतात योगासन व आयुर्वेदामुळे  मृत्यूंची संख्या कमी झाली.

सरस्वती मंदिर संस्थेचे अध्यक्ष पांडुरंग देशमुख यांनीही मार्गदर्शन केले.

मुख्याध्यापिका नीता येरमाळकर यांनी प्रास्ताविक केले. सहशिक्षिका गौरी मठपती यांनी पाहुण्यांची ओळख करून दिली. पर्यवेक्षक मुकुंद गिरी यांनी आभार मानले  सहशिक्षिका विद्या माने यांनी सूत्रसंचालन केले.

     ताडासन, वृक्षासन, पादहस्तासन, शशांकास,   अर्धचक्रासन, भद्रासन, वक्रासन, अर्धमच्छिंद्रासन , गोमुखासन, वज्रासन, उष्ट्रासन, कपालभाती, भ्रामरी प्राणायाम आदी योगासनांचे प्रात्यक्षिक करून घेतले व मार्गदर्शन केले.

सोलापूर : श्री सरस्वती मंदिर संस्था संचलित, सोलापूर सकुबाई हिराचंद नेमचंद प्रशालेत आनंदी व उत्साही वातावरणात प्रवेशोत्सव, नवागतांचे स्वागत व  पुस्तक वाटप झाले. मुख्याध्यापिका नीता येरमा ळकर यांनी प्रास्ताविक व स्वागत केले.    प्रमुख पाहुणे नगरसेवक  विनोद भोसले, नगरसेवक अक्षय अंजिखाने,  नगर सेवक नागेश खरात, भाजपचे मंडल अध्यक्ष नागेश सरंगम उपस्थित होते  तसेच यावेळी  श्री सरस्वती मंदिर सचिव रोहिणी तडवळकर, उपाध्यक्ष दत्तात्रय कुलकर्णी, संस्थेचे माजी अध्यक्ष ॲड रघुनाथ दामले, माजी सचिव प्रीती चिलजवार,   सदस्य किशोर चंडक, शिरीष कुलकर्णी सुनील कुलकर्णी मंजिरी अंत्रोळीकर,  मुख्याध्यापिका नीता येरमाळकर  यांची  प्रमुख उपस्थिती  होती 
नगरसेवक अक्षय अंजिखाने म्हणाले, "  या शाळेत माझे पहिली ते दहावीपर्यंत शिक्षण झाले आहे. माझ्यावर चांगले संस्कार झाल्यामुळे मी नगरसेवक झालो आहे तसेच माझ्या तिन्ही बहिणी याच शाळेत शिकल्यामुळे उच्च अधिकारी म्हणून सेवेत आहेत. शाळेतील शिक्षक अतिशय तळमळीने शिकवतात त्यामुळे येथे चांगले विद्यार्थी घडत आहेत"ॲड रघुनाथ दामले म्हणाले, "पुस्तक मिळाल्यानंतर त्याचा काळजीपूर्वक वापर करा त्यामुळे जास्त काळ टिकेल आणि दुसऱ्या विद्यार्थ्यांनाही ते वापरता येतील अभ्यासाबरोबरही खेळालाही महत्त्व द्या खेळामुळे सर्वांगीण विकास होतो या शाळेमध्ये मध्यमवर्गीय व कामगारांचे मुले व मुली शिक्षण घेत आहेत. येथील शिकलेले विद्यार्थी आज उच्च पदावर आहेत शासनाची मराठी शाळेकडे दुर्लक्ष होत आहे नगरसेवकांनी मराठी शाळेकडे जाणीवपूर्वक लक्ष द्यावे या शाळेत आणखीन भौतिक सुविधा उपलब्ध करून दिल्यास  त्यांच्या विकासात मदत होईल
 प्रतिमेचे पूजन  मान्यवरांच्या हस्ते झाले. पर्यवेक्षक  मुकुंद गिरी यांनी अतिथीचा परिचय करून दिला. अतिथींचा सत्कार झाला. पुस्तक वाटप प्रमुख अतिथी आणि उपस्थित मान्यवरांच्या हस्ते झाले. सहशिक्षिका    सुचेता पोकळे यांनी सूत्रसंचालन केले. सहशिक्षिका  रोहिणी कुलकर्णी यांनी आभार मानले.ReplyForward